१५ वर्षीया एक बालिकालाई बलात्कार गरेको ठहर गर्दै आमभन्ज्याङ गाविस-५ का ६० वर्षीय हस्तबहादुर घोडासैनीलाई जिल्ला अदालत मकवानपुरले ७ वर्षकैद गर्ने फैसला गरेको छ । साथै अदालतले पीडितलाई पीडकबाट १ लाख रुपियाँ क्षतिपुर्ति भराउन पनि आदेश गरेको छ । जिल्ला न्यायाधीश दयाराम ढकालको इजलाशले घोडासैनीले बालिकालाई बलात्कार गरेको ठहर गर्दै ०७२ चैत १ गते उक्त फैसला गरेको हो । घोडासैनीले बालिकालाई ०७२ भदौ ११ गते बलात्कार गरेको भनी उजूरी परेको थियो । बलात्कारपश्चात बालिका गर्भवती भएपछि ०७२ मङ्सिर २३ गते प्रहरीले घोडासैनीलाई गिरफ्तार गरेको थियो । उनी पुर्पक्षका लागि भीमफेदी कारागारमा थिए ।