लहान नपा-२ की २० वर्षीया रीतादेवी मण्डलले कुटपिट गरेको आरोपमा २२ वर्षीय पति रवि मण्डलविरूद्ध इलाका प्रहरी कार्यालय लहानमा चैत ७ गते उजुरी दिएकी छन् । घरायसी विवादमा आरोपित रविले बाँसको भाटाले हिर्काएर रीताको टाउको फुटाएको भन्दै पीडितले उजुरी दिएको बताईन् । पीडितको स्थानीय अस्पतालमा उपचार भएको थियो । इलाका प्रहरी कार्यालय लहानका इन्सपेक्टर पाचु चौधरीले आरोपितलाई चैत ७ गते गिरफ्तार गरी घटनाको अनुसंधान सुरू गरेको बताए ।