एक २१ वर्षीया महिलालाई बलात्कारको प्रयास गरेको मुद्दा जिल्ला प्रहरी कार्यालय सिरहाले चैत ७ गते दर्ता गरेको छ । चैत २ गते राति घरैमा आएर मझौरा गाविस-८ का १९ वर्षीय रामकरण मुखियाले बलात्कारको प्रयास गरेको आरोपमा पीडितले जिल्ला प्रहरी कार्यालय सिरहामा चैत ४ गते उजुरी दिएकी थिइन् । पीडित महिलाको स्वास्थ्य परीक्षण जिल्ला अस्पताल सिरहामा चैत ४ गते भएको थियो । जिल्ला प्रहरी कार्यालय सिरहाका डिएसपी एकनारायण कोइरालाका अनुसार आरोपीत फरार रहेकोले खोजी कार्य जारी रहेको छ ।