सात वर्षीया बालिकालाई बलात्कार प्रयास गरेको अभियोगमा माडी कल्याणपुर गाविस-४ बस्ने ६० वर्षीय चन्द्रबहादुर हमाललाई चितवन जिल्ला अदालतले पाँच वर्षकैद र पीडितलाई ३ लाख रुपियाँ क्षतिपूर्ति भराउने फैसला गरेको छ । न्यायाधीश टेकनारायण कुँवरको इजलासले चैत १६ गते यस्तो फैसला गरेको हो । ०६८ साल चैत १९ गते ती बालिकालाई बलात्कार प्रयास गरेका चन्द्रबहादुरलाई गत माघ २० गते गिरफ्तार गरी मुद्दा चलाइएको प्रहरीले जानकारी दिएको छ ।