बारा जिल्ला निजगढ नपा-३ का १८ वर्षीय छेकु पाख्रिन र १५ वर्षीया एक बालिकालाई नवजात शिशुको हत्या गरेको आरोपमा मकवानपुर प्रहरीले चैत २३ गते गिरफ्तार गरेको छ । ती बालिकाले चैत १६ गते नवजात शिशुको हत्या गरेको र पाख्रिनलाई बालिकासँग यौन सम्बन्ध राखेको आरोपमा गिरफ्तार गरेको प्रहरीले जनाएको छ । प्रहरीले घटनाको अनुसन्धान गरेर बालिकालाई कर्तव्य ज्यान र पाख्रिनलाई बालिका बलात्कारको मुद्दा चलाउने जनाएको छ । बालिकाको स्वास्थ्य परीक्षण चैत २३ गते हेटौंडा अस्पतालमा गरिएको छ ।