काठमाडौँमा रोकेर राखिएको नेपाल यातायात भित्र एक व्यक्ति मृत अवस्थामा फेला परेका छन् । काठमाडौँ महानगरपालिका–३२ पानीट्याङ्की नजिक पार्किङ गरी राखेको बा१ ख ९९६८ नम्बरको नेपाल यातायातको बसभित्र युवाको शव भेटिएको प्रहरीले जनाएको छ । बसमा सुतेका युवा सोही बसका सहचालक दोलखा भेड्खु–२ बस्ने ३४ वर्षीया राजेश अधिकारी भएको प्रहरीले जनाएको छ । प्रहरीले घटनाका सम्बन्धमा थप अनुसन्धान गरिरहेको छ ।