बबई नपा-८ तर्कियाकी ५५ वर्षीया बेफनि थारूलाई वैशाख २ गते ६३ वर्षीय पति चुलुवा थारूले हत्या गरेको प्रहरीले जनाएको छ । सामान्य विवादमा झगडा भएपछि लाठीले टाउकोमा प्रहार गर्दा बेफनि थारूको घटनास्थलमै मृत्यु भएको जिल्ला प्रहरी कार्यालयका डीएसपि नेत्रमणी गिरीले बताए । प्रहरीले हत्याका आरोपित चुलुवा थारूलाई वैशाख २ गते नै गिरफ्तार गरिएको जनाएको छ । मृतकको शव पोष्टमार्टमका लागि जिल्ला अस्पताल गुलरियामा लगिएको प्रहरीले जनाएको छ ।