जानकीनगर-५ स्थित बद्रिनाथ सामुदायिक वनमा १६ वर्षीया सुस्मिता सिंहको शव वैशाख ४ गते फेला परेपछि प्रहरीले हत्याको आशङ्का गरेको छ । सुस्मिताको घाँटी रेटिएको अवस्थामा शव फेला परेपछि हत्याको आशङ्का गरिएको जिल्ला प्रहरी कार्यालय सर्लाहीले जनाएको छ । वैशाख ३ गते साँझ घाँस काट्न जङ्गल गएकी ती बालिकाको शव वैशाख ४ गते फेला परेको हो । मृतकको शव सर्लाही जिल्ला अस्पताल मलङ्गवामा पोष्टमार्टम गरिएको छ । बालिकाको हत्या शंकास्पद रहेको र अनुसन्धान भइरहेको जिल्ला प्रहरी कार्यालय सर्लाहीले जनाएको छ ।