१५ वर्षीया एक बालिकालाई बलात्कार गरेको आरोपमा तित्याङ गाविस-६ का ३९ वर्षीय इश्वर नेपालीलाई वैशाख ८ गते प्रहरीले गिरफ्तार गरेको छ । आरोपितले बालिकालाई वैशाख ३ गते बलात्कार गरेको भन्दै पीडितकी आमाले वैशाख ७ गते जिल्ला प्रहरी कार्यालयमा उजुरी दिएकी थिइन् । उजुरीका आधारमा आरोपितलाई वाग्लुङ नगरपालिका बजारबाट गिरफ्तार गरी अनुसन्धान अगाडि बढाइएको डीएसपी अनिलकुमार खड्काले बताए । बालिकाको स्वास्थ्य परीक्षण वैशाख ७ गते धौलागिरी अञ्चल अस्पतालमा भएको पनि प्रहरीले जनाएको छ ।