एक ६ वर्षीया बालिकालाई बलात्कार गरेको आरोपमा ०७३ वैशाख ७ गते गिरफ्तार गरिएका १७ वर्षीय बालकविरुद्ध जिल्ला प्रहरी कार्यालय ओखलढुङ्गाले वैशाख ८ गते जबरजस्ती करणी मुद्दा दर्ता गरेको छ । ती बालिकालाई वैशाख ४ गते बलात्कार गरेको आरोपमा प्रहरीमा उजुरी परेपछि प्रहरीले ७ गते गिरफ्तार गरी अदालतमा मुद्दा दर्ता गरेको जिल्ला प्रहरी कार्यालय ओखलढुङ्गाका डिएसपी दिपेन्द्र शाहले जानकारी दिए । पीडित बालिकाको स्वास्थ्य परीक्षण जिल्ला अस्पताल रुम्जाटारमा वैशाख ५ गते गरिएको प्रहरीले जनाएको छ ।