Janakpurdham, Jan 12 - Some youth demonstrated at Third Municipality Council Meeting of Janakpur Sub-Metropolitan City about the budget of the year 2074/075.
Youths stated that they staged demonstration because youths were not included in the meeting. Police arrested 5 youths involved in demonstration and took them under control for 6 hours.
जनकपुरधाम, पुस २८ - जनकपुर उपमहानगरपालिकाको तेस्रो नगरपरिषदले आगामी आर्थिक वर्ष २०७४/०७५ का लागि १ अर्व ३६ करोड ४५ लाख २७ हजार रुपैयाँ विनियोजन गरेको छ । परिषद् बैठकले एकीकृत सहरी विकास आयोजनाका लागि १२ लाख र जनकपुर उपमहानगरपालिका भित्रको विकास आयोजनाका लागि ४४ करोड, ४५ लाख २७ हजार रुपैयाँ बजेट विनियोजना गरेको उपमहानगरपालिकाका कार्यकारी अधिकृत पुण्यप्रसाद लुइँटेलले जानकारी दिनुभयो ।
उपमहानगरपालिकालाई धार्मिक नगरीको रुपमा विकास गर्ने लक्ष्यका साथ आगामी वर्षको बजेट विनियोजना गरिएको उहाँले जानकारी दिनुभयो । उपमहानगरपालिकाले नगरको सांस्कृतिक, धार्मिक एवं पर्यटकीय महत्वलाई झल्काउने लक्ष्य राख्दै यसको समग्र विकास प्रक्रियालाई गति दिदै आएको दावी पनि गरेका छन् । यता, परिषदमा युवालाई सहभागी नगराईएको भन्दै विरोध गर्ने पाँच जना युवकलाई प्रहरीले ६ घण्टा नियन्त्रणमा लिएर छाडेको छ । विरोध गर्ने क्रममा मासका संयोजक सरोज मिश्र, जानी खान, सुमित मिश्र, शुशिल कर्ण लगायत पाँच जना युवालाई पक्राउ गरी ६ घण्टा पश्चात छाडेको जिल्ला प्रहरी कार्यालय धनुषाले जनाएको छ ।
परिषदमा लोकतान्त्रिक पद्धति अनुसार विरोध गर्ने क्रममा पक्राउ गरेको प्रति स्थानीय युवा, व्यवसायीहरुले खेद प्रकट गरेका छन् । उक्त घटना गराउने जनकपुर उपमहानगरपालिकाका प्रमुख पुण्य प्रसाद लुइँटेल, योजना शाखा प्रमुख इन्जिनियर विरेन्द्र यादव र अधिकृत प्रमेश झा लगायतलाई कारबाहीको युवाहरुले माग गरेको छ ।