Officers of Dadeldhura local bodies staged demonstration wearing black bands against the negligence done by the Ministry regarding their demands. They warned that if their demands are not considered soon then they will close all their works except the emergency ones. डडेल्धुरास्थित स्थानीय निकायका कर्मचारी पनि कालोपट्टी बाँधेर विरोधमा उत्रिएका छन् । गत पुस २९ र माघ २ गते मन्त्रालयमा माग सहितको ध्यानाकर्षण पत्र बुझाएपनि वेवास्ता गरिएको भन्दै स्थानीय निकाय ट्रेड युनियन केन्द्रीय समन्वय समितिको आन्दोलन थालेको हो । स्थानीय कर्मचारी संघ, नेपालको केन्द्रीय उपाध्यक्ष करुणाकर भट्टले आन्दोलनका कार्यक्रम अन्तर्गत बुधबार स्थानीय निकायका माग एवं मुद्दाका बारेमा राजनितिक दल, स्थानीय निकाय सम्बद्ध संघ संगठनसंग छलफल गरिने बताए । आन्दोलनबाट पनि मागको सुनुवाई नभए अतिआवश्यक सेवाबाहेक स्थानीय निकायका अन्य सबै सेवा अनिश्चितकालीन रुपमा बन्द गर्ने उनले चेतावनी दिए । आन्दोलनमा स्थानीय निकाय कर्मचारी संघ, नेपाल नगरपालिका कर्मचारी एसोसियन, गाविस कर्मचारी संघ डडेल्धुराले पनि एक्यबद्धता जनाएका छन् ।