चार वर्षीया बालिकालाई यौन दुर्व्यवहार गरेको आरोपमा प्रहरीले बाह्रबिसे नपा-१ घोर्थलीका २२ वर्षीय राजकुमार मगरलाई चैत १३ गते गिरफ्तार गरेको छ। पीडित बालिकालाई आरोपितले चैत ३ गते यौन दुर्व्यवहार गरेको भन्दै पीडित पक्षले चैत ९ गते जिल्ला प्रहरी कार्यालयमा उजुरी दिए पनि उजुरी भने चैत १३ गते इलाका प्रहरी कार्यालय बाह्रबिसेमा दर्ता भएको प्रहरीले जनाएको छ। पीडितको चैत ९ गते चौतारा अस्पतालमा स्वास्थ्य परीक्षण भएको जिल्ला प्रहरी कार्यालयले जनाएको छ।