आउँदो बैशाख ३१ गते हुने घोषित स्थानीय तहको निर्वाचन विफल र बहिष्कार गर्नका लागि संयुक्त लोकतान्त्रिक मधेशी मोर्चाले शनिबार विरोध कार्यक्रम गरेको छ । युवा मोर्चाले शनिबार बाँकेको हिरमिनियामा विरोधस्वोरूप मोटर साईकल र्‍यालीका सहभागीहरुले विभिन्न गाउँ पुगेर निर्वाचन बहिष्कार गर्नुका साथै विफल बनाउन सबैसँग आग्रह गरेका थिए । मोर्चाको कार्यक्रममा आफुहरुको सहयोग र समर्थन रहने स्थानीयले प्रतिबद्धता जनाएको मोर्चाको स्थानीय नेता मोहनराम मिश्रले बताउनुभयो । बिरोध र्‍याली हिरमिनिया चोकमा पुगेर कोणसभामा परिणत भएको थियो ।