Hiramati Yadav, 12 Years old daughter of Sangila Yadav resident of Kotimai rural municipality-3, Rupandehi was found dead in a farm of the same place on February 5. After the investigation, 21 years old Sandip Kumar Dhobi, a resident of Kothimai rural municipality-3 has been arrested from Marchbara, Rupandehi on a charge of murder after a rape of a 12 years old girl, Hiramati Yadav. रुपन्देहीको कोटईमाई गाउँपालिका–३ करवाला बस्ने संगिला यादबको १२ बर्षीया छोरी हिरामती यादव सोमबार सोही ठाउँको गहुँ खेतमा मृत अवस्थामा फेला परेकी छन् । घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ । update......................................... रुपन्देहीको दक्षिणी क्षेत्र मर्चवारमा गाली गरेको भन्दै नाबालिकालाई बलात्कार गरी हत्या गरेको अभियोगमा एकजना युवक पक्राउ परेका छन् । पक्राउ पर्नेमा रुपन्देही जिल्ला कोटहीमाई गाउँपालिका–३ का २१ वर्षीय सन्दिप कुमार धोबी रहेका छन् । गत माघ २२ गते मर्चवार क्षेत्रको कोटहीमाई गापा–३ की १२ वर्षीया बालिका आफ्नो खेतमा घाँस काट्न गएको अवस्थामा धोबीले उनलाई नियन्त्रणमा लिएर बलात्कार गरी हत्या गरेको अनुसन्धानबाट खुलेको जिल्ला प्रहरी कार्यालय रुपन्देहीका प्रहरी नायब उपरीक्षक तथा प्रवक्ता डिल्लीनारायण पाण्डेले बताए । घाँस काट्न गएकी हरिजन अबेरसम्म घर नफर्किएपछि उनको परिवारले खोजतलास गर्दै जादाँ आफ्नै खेतसँग जोडिएको खेतबारीमा आफैले लगाएको चुन्नी घाँटीमा कसिएको अवस्थामा मृत फेला परेकी थिइन् । प्रहरीलाई घटना शंकास्पद लागेर घटनाको अनुसन्धान गर्दै जाँदा धोबीले हरिजनको बलात्कार गरी हरिजनकै चुन्नीले घाँटी कसेर हत्या गरेको अनुसन्धानबाट खुलेको डिएसपी पाण्डेले बताए । हरिजन घाँस काटिरहेको अवस्थामा उनका अन्य साथीहरु पनि सँगै थिए । तर अन्य साथीहरु घर गएपछि हरिजन एक्लै रहेको अवस्थामा धोबीले बलात्कार गरी हत्या गरेको जिल्ला प्रहरी कार्यालय रुपन्देहीका अनुसन्धान अधिकृत एवम् प्रहरी निरीक्षक उमेश जोशीले बताए । पक्राउ परेका धोबीले हरिजनले आफुलाई गाली गरेको बताउँदै त्यसपछि नियन्त्रणमा लिएर योनीमा औँला हाल्दा रगताम्य भएपछि उनकै चुन्नीले घाँटी कसेर हत्या गरेको प्रहरीलाई बयान दिएको उनले बताए । कानुनतः योनीमा औलाँ हाल्नु पनि बलात्कार ठहरिन्छ । पक्राउ परेका धोबीविरुद्ध जिल्ला अदालत रुपन्देहीमा जबरजस्ती करणी र कर्तव्य ज्यान मुद्दा दायर गरिएको जिल्ला प्रहरी कार्यालय रुपन्देहीले जनाएको छ ।