समाचार लेखेको विषयलाई लिएर इलाका प्रहरी कार्यालय उर्लाबारीका प्रहरी जवान राजु श्रेष्ठले उर्लाबारीका पत्रकार मिलन के राउतमाथि सांघातिक आक्रमण गरेका छन्। शनिबार उर्लाबारीकोचोकमा बसिरहेको बेला श्रेष्ठ आएर त्यो समाचार किन लेखेको भन्दै आफूमाथि अन्धाधुन्ध कुटपिट गरेको पत्रकार राउतले बताएका छन्।उर्लाबारीबाट प्रकाशित निगरानी दैनिकमा 'यौनधन्दा चलाउनेहरुसंग प्रहरी निरीक्षक थापा रकम असुल्दै' भन्दै उर्लाबारीका प्रहरी निरीक्षक चन्द्रबहादुर थापा र प्रहरी जवान राजुको बारेमा समाचार आएको थियो। पत्रकार राउतले आफुले निगरानी दैनिक छोडेको १ वर्ष भैसकेको र आफुले नलेखेको समाचारबारे आएर कुटपिट गरेको बताए। राउतको ओठ तथा घाँटी तथा शरीरको विभिन्न भागमा चोट लागेको छ ।