A protest has been staged demanding justice for Bikram Sapkota, a student of class 12, who committed suicide in Saljhandi, Rupandehi. He committed suicide on February 25. However, it is said that he did so because of the excessive torture gave by the college. College Management said that he reached school a bit late on February 23. Because of it, he was sent back home at 11:45 AM. He then killed himself in his home. Students also said that Bikram was falsely accused of consuming alcohol and coming to the school. They even requested the school to check his blood to confirm that he didn't consume alcohol. However, the school completely ignored their request. Police has provided tight security in Oxford College and the students have demanded for an investigation regarding the case. College management has denied the accusation of the students. रुपन्देहीको सालझण्डीका एक विद्यार्थीले आत्महत्या गरेका छन् । अक्सर्फोड कलेजको ब्यवस्थापन संकाय कक्षा १२ मा अध्ययनरत बिक्रम सापकोटा शुक्रबार दिउँसो आफ्नै घरमा आत्महत्या गरेका हुन् । तर, शिक्षकले अनावश्यक लान्छना लगाउँदा विक्रमले आत्महत्या गरेको भन्दै विद्यार्थीहरु आन्दोलित भएका छन् । विद्यालय प्रशासनका अनुसार विहानी फिफ्टमा अध्ययनरत विक्रम शुक्रबार कलेजमा ढिलो आएका थिए । उनी र अर्का एक विद्यार्थी झण्डै ४० मिनेट ढिलो आएका हुन् । विद्यालय प्रशासनले सोधपुछ गरी अभिभावकको जिम्मा लगाएको र विक्रम विहान ११ः४५ बजे स्कुल बसमै घर फर्किएका थिए । तर, दिउँसो घरमै आत्महत्या गरे । परिवारले प्रहरीको रोहवरमा प्रक्रिया पुरा गरी अन्तिम संस्कारसमेत गरेका छन् । विद्यार्थी भन्छन्- कलेजले यातना दियो विद्यार्थीहरुले भने कलेजले पटक पटक यातना दिएका कारण विक्रमले आत्महत्या गरेको बताएका छन् । उनीहरुले संघर्ष समिति नै बनाएर आन्दोलन थालेका छन् । विद्यार्थीहरुका अनुसार शुक्रबार ढिला आएका कारण कलेज प्रशासनले मदिरा सेवन गरेर आएको भन्दै विक्रमका अभिभावकलाई खबर गरेको थियो । ‘उसले मदिरा खाएकै थिएन, रगत चेक गर्नुस् भन्दा पनि कलेजले बेवास्था गरी घरमा खबर गरिदियो, त्यही टर्चरले उसले आत्महत्या गर्‍यो,’ संघर्ष समितिका संयोजक सरोज खनालले भने, ‘सरहरुले सानोसानो कुरामा टर्चर दिनुहुन्छ ।’ विद्यार्थीहरुले स्थानीय प्रशासनले घटनाको छानबिन गर्न माग गर्दै बुटवल बजारमा प्रर्दशन गरेका छन् भने अक्सफोर्ड कलेजमा प्रहरीले सुरक्षा दिएको छ । कलेज प्रशासनले भने विद्यार्थीहरुको आरोप अस्वीकार गरेको छ । प्राचार्य दिनेश भुसालले मादक सेवन गरेका विद्यार्थीका अभिभावकलाई बोलाएर अभिभावकको जिम्मा लगाएको र विक्रमको परिवारलाई पनि फोनबाट छोरा गलत संगतमा लागेको जानकारी मात्र गराएको बताए । मानसिक तनाव नदिइएको भुसालको दाबी छ ।