जनकपुरमा नगर प्रहरीको समुहले एक पत्रकारमाथी दुर्व्यवहार गरेका छन् । जनकपुरधामको भानुचोकमा नगरप्रहरीले सडक ब्यापारीहरुमाथि दुर्व्यवहार गरेको तस्बिर खिचिरहेको बेला पत्रकार राहुल कुमार सिंहमाथि नगरप्रहरीले दुर्व्यवहार गरेका हुन् । नगरप्रहरी प्रमुख ध्रुब मिश्रले पत्रकारलाई फोटो नखिच्न भन्दै पत्रकार राहुल कुमार सिंहमाथि दुर्व्यवहार गरेको स्थानीयले बताएका छन् । दुर्व्यवहारपछि सडक ब्यापारीहरुले नगरप्रहरीको बिरोधमा नाराबाजी गरेका थिए । दुर्व्यवहारको क्रममा संचारकर्मी सिंहको मोबाइल फुटाइएको छ भने सिंहलाई सामान्य चोटपटक लागेको छ ।