दलित भएकै कारण सुत्केरी महिलामाथि कुटपिट भएको छ । नुवाकोट धुनिबेशी गाउँपालिका–३ स्थायी घर भएकी २८ वर्षीया कल्पना सुनवार कुटिइएकी बताइएको छ ।

उनलाई नुवाकोट थानसेत गाउँपालिका–१ स्थायी घर भएकी ३१ वर्षीया रिता आलेमगरले कुटपिट गरेको उजुरीमा उल्लेख छ । उनीहरु दुवै काठमाडौँ तारकेश्वर नपा–५ गोलढुङ्गामा अस्थायी रूपमा बस्दै आएका थिए ।

बारम्बर दलित भएकै कारण उपेक्षा गरेको पीडितले उजुरीमा उल्लेख गरेकी छिन् । पीडितलाई चैत १७ गते कुटपिट गरेको भनी चैत १८ गते पीडितले उजुरी दिएको महानगरीय प्रहरी परिसर काठमाडौँका प्रवक्ता होमेन्द्र बोगटीले जानकारी दिए । पीडित महिला नौ महिनाकी सुत्केरी भएको बताइएको छ ।

विमला पौडेल