दाइजो नल्याएको भन्दै कोशी गाउँपालिका-७ स्थित हरिपुरका २४ वर्षीय रविन्द्रकुमार यादवले आफ्नी २० वर्षीया श्रीमती रुक्मनी यादवलाई दाइजोको निहुँमा हँसियाले डामेका छन् ।  विहेको समयमा आफुले दाइजोमा मागेको मोटरसाइकल श्रीमतीको माइती पक्षले नदिएको भन्दै रुक्मनीलाई रविन्द्रले यातना दिंदै आएको रुक्मनीकी काकी निर्मलादेवी यादवले बताइन् । 

सामान्य विवाद भएपछि रबिन्द्रले दाइजोमा मोटरसाइकल नपाएको कारण रुक्मनीलाई हँसियाले अनुहार, हात र खुट्टामा डामे । पटक-पटक महिलालाई कटपिट गर्नेलाई सजाय हुनुपर्ने रुक्मनीकी काकी निर्मलाले बताइन् । श्रीमान्ले कुटपिट गरेको ५ दिनपछि माइती पक्षले हरिपुर अस्थायी प्रहरी चौकीमा उजुरी गरेको थियो ।