2019-10-17
जिल्ला प्रहरी कार्यालय चितवनले प्रहरी हाताभित्र जथाभावीरूपमा फालेका मदिराका बोत्तल खिचेको भन्दै पत्रकारमाथि दुर्व्यवहार भएको छ। बिहीवार दिउँसो १ बजेको समयमा प्रहरी कार्यालय पुगेका नारायणी अनलाइन तथा न्युज २४ मा आबद्ध पत्रकार केदार शर्मा र भण्डाफोर अभियानका पत्रकार सूर्य बरालमाथि दुर्व्यवहार भएको हो ।
जिल्ला प्रहरी कार्यालय संवेदनशील क्षेत्र भएको भन्दै छरपस्ट फालिएका मदिराको बोत्तल खिच्न प्रहरीको अनुमति चाहिने हुनाले अनुमतिबिना तस्बिर खिचेकोले नियन्त्रणमा लिएको चितवन प्रहरीको भनाइ छ । पत्रकारलाई प्रहरी कन्ट्रोलमा आधा घण्टासम्म बन्धक बनाइएको थियो ।
पत्रकारद्वय शर्मा र बराललाई प्रहरी सहायक निरीक्षक कृष्णप्रसाद सिलवालले नियन्त्रणमा लिनुभएको थियो । पत्रकारहरूले मदिराका बोत्तल छरपस्ट देखेपछि समाचार सङ्कलनको लागि खिच्छौँ भनेको भए अनुमति नपाइने भएकोले खिचिएको बताउनुभएको छ। अनुमतिबिना मदिराको बोत्तल खिचेको भन्दै समातेर कन्ट्रोल रूममा राखेको पत्रकार शर्मा र बरालको भनाइ छ। जिल्ला प्रहरी कार्यलय चितवनको क्यान्टिनसँगै रहेको शौचालबाट फर्किने क्रममा यत्रतत्र छरिएका मदिराका बोत्तलहरू खिचेको भन्दै नियन्त्रणमा लिनु परेको प्रहरी नायब उपरीक्षक शालिकराम पौडेलले बताउनुभयो । पौडेलले प्रहरी कार्यलयभित्र जस्तो सुकै अनैतिक गतिविधि भए पनि अनुमतिबिना फोटो तथा भिडियो लिन नपाइने बताउनुभयो ।
प्रहरी कार्यालयभित्र ड्युटी समयभन्दा बाहिर रहे पनि मदिरा पिउन पाइँदैन तर जिल्ला प्रहरी कार्यालय चितवनमा भने मदिराका बोत्तलहरू छरपस्टै देख्न सकिन्छ । अभ यस विषयमा डिएसपी पौडेलले भने ड्युटी समयभन्दा बाहिर प्रहरीले पनि अन्य बाहिर प्रहरीले पनि अन्य नागरिकले सरह मदिरा पिउने आशय व्यक्त गर्नुभयो । प्रहरीको हाताभित्र रहेको स्थानमा ओल्ड दरबार, रूसलान भोडका, टुबोर्क क्यान बियरलगायतका महङ्गा मदिराका बोत्तलहरू छरपस्ट छन् । त्यति मात्र होइन कार्यालय भित्रबाट निस्केको फोहोरसमेत भित्रै जलाइने गरिएको छ । कार्यालयभित्र मदिरा सेवन गरेर अन्य फोहोर सँगसँगै ल्याएर मदिराका बोत्तल फालिएको फोहोर देख्दै प्रस्ट हुन्छ । प्रहरी कार्यलयभित्र कसले कहँबाट महङ्गा ब्रान्डका मदिरा सेवन गरेको भन्ने विषयमा भने कार्यालयका प्रहरी उपरीक्षक दानबहादुर मल्ल आफू जानकार नरहेको भन्दै पन्छिन खोज्नुभयो ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Assault (small group) |
Secondary Form | Attack on Journalist |
Weapons | None |
Primary Cause | Issues related to freedom of expression and civil rights |
Secondary Cause | Freedom of Expression |
Actor 1 - Number of people | n/a |
Actor 1 - Affiliations | Police |
Actor 1 - Youth | unknown |
Actor 2 - Number of people | 2 |
Actor 2 - Affiliation (Target) | Journalist/Media |
Actor 2 - Youth | unknown |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD