काठमाडौँ — ‘स्वास्थ्यकर्मी विरुद्धका हिंसा अन्त्य गरौं’ भन्दै काठमाडौंका विभिन्न अस्पताल र बाहिरी जिल्लामा काम गर्ने डाक्टरहरुले आइतबार माइतीघर मण्डलामा धर्ना दिएका छन् । पछिल्लो समयमा स्वास्थ्यकर्मीविरुद्ध हुने हिंसाको विरोध स्वरुप डाक्टरहरुले शान्तिपूर्ण आन्दोलन गरेका हुन् । धर्नामा सहभागीले ‘बिरामी हेर्ने मन छ तर अझै कुटाइ खाने डर छ’ जस्ता नारा लेखिएका प्लएकार्ड बोकेका थिए । डाक्टरहरुले माइतीघर मण्डला हुँदै बानेश्वरसम्म र्‍याली लगेका थिए ।