2021-04-16
अदानचुली गाउँपालिका–२ मा रहेको रेडियो श्रीनगरमा सोही गाउँपालिकाका स्थानीय युवाहरुले तोडफोड गरेका छन्।शुक्रबार बेलुका रेडियोमा कोही नभएको मौका पारी यी युवाहरुले एफएम रेडियोमा तोडफोड गरेको रेडियो श्रीनगरका स्टेशन म्यानेजर कालिबहादुर थापाले बताए। ।
रेडियोमा राखिएको ब्याट्री फुटाएको, भर्याङ भाँचेको, तारहरु चुडालेको, छतका दाँतीहरु फालेर त्यहाँ राखिएका अन्य सामाग्रीहरुसमेत तोडफेड गरिएको थापाले जानकारी दिए।उनका अनुसार रेडियो प्रशासनसँग कुनै पनि कुरा नगरी सबै कर्मचारीहरु बाहिर रहेको अवस्थामा इन्टरनेट नखोलेको भन्दै तोडफोड गरिएको हो।
वर्ल्ड लिंक कम्युनिकेशनले गाउँपालिका, सामुदायिक विद्यालय, स्वाथ्यचौकीहरुमा निःशुल्क इन्टरनेट सेवा वितरण गरेपनि त्यहाँ रहेको जनता बैंक र रेडियोहरुलाई निःशुल्क बितरण नगरेको थापाले बताए ।उनले भने, ‘स्थानीय युवाले वडा कार्यालय, गाउँपालिकाजस्तै रेडियोको इन्टरनेट पनि निःशुल्क हो। इन्टरनेट खुला छोडनु पर्छ भन्दै तोडफोड गरे।’
घटनाको थप छानबिनका लागि रेडियो श्रीनगरले श्रीनगर प्रहरी चौकीलाई उजुरी गरेलगतै आरोपितहरुलाई नियन्त्रणमा लिएको प्रहरी चौकीका प्रहरी सहायक निरीक्षक कृष्ण बहादुर बुढाले बताए।
प्रहरीले अदानचुली गाउँपालिका–२ श्रीनगरका २१ वर्षीय महेश महतारा, २५ वर्षीय सुवास भण्डारी, २३ वर्षीय जय महतारा र २८ वर्षीय देवीलाल महतारालाई नियन्त्रणमा लिएको छ।रेडियो सञ्चालन भएको स्थान सदरमुकाम सिमकोटबाट तीन दिनको पैदल दूरीमा रहेको छ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Vandalism |
Secondary Form | Attack on Journalist |
Weapons | None |
Primary Cause | Other non-economic personal issues (revenge, passion etc.) |
Actor 1 - Number of people | 4 |
Actor 1 - Affiliations | Citizen/Individuals |
Actor 1 - Youth | youth |
Actor 2 - Number of people | n/a |
Actor 2 - Affiliation (Target) | Journalist/Media |
Actor 2 - Youth | na |
Total damaged Buildings | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD