मधेसी मोर्चाका कार्यकर्तासँग भएको झडपका क्रममा सुरक्षाकर्मीले राजविराजस्थित एक प्रेसमा तोडफोड गरेका छन् । मधेसी मोर्चाका कार्यकर्तालाई लखेट्ने क्रममा आक्रोशित सुरक्षाकर्मीले राजविराज–४ स्थित नेहा प्रेसमा तोडफोड गरेका हुन् । सुरक्षाकर्मीको तोडफोडबाट प्रेसको शिशा र छपाइका केही सामाग्री क्षतिग्रस्त भएका छन् । ढुंगामुढा गरिरहेका मधेसी मोर्चाका कार्यकर्ताहरुसँग झडपका क्रममा पत्रकारहरु बसिरहेकै बेला सुरक्षाकर्मीले प्रेस तोडफोड गरेका प्रत्यक्षदर्शीले बताएका छन् ।