संघीय गठबन्धनको सिंहदरबार घेराउको दोस्रो दिन सोमबार माइतीघर मण्डलामा आन्दोलनकारी र सुरक्षाकर्मीबीच झडप भएको छ। सडक कब्जा गरेर बसेका आन्दोलनकारी र सिंहदरबार तर्फको सडक प्रबेश रोकेर बसेका सुरक्षाकर्मीबीच ठेलाठेल हुँदा झडप भएको हो। साे क्रममा प्रहरीले लाठीचार्ज गर्दा दुईजना आन्दोलनकारी घाइते झएका छन्। उनीहरूको उपचारको लागि अस्पताल भर्ना गरिएको आन्दोलनकारीले जनाएका छन्।