माओवादी केन्द्रका अध्यक्ष पुष्पकमल दाहालविरुद्ध अपहरण तथा व्यक्ति हत्याको अभियोगमा सजाय गर्न माग गर्दै सत्य निरुपण तथा मेलमिलाप आयोगमा उजुरी परेको छ । उनीहरुलाई शिक्षक गुरुप्रसाद लुइँटेलको अपहरण र हत्या गरेको भन्दै छोरा फणिन्द्रले बुधबार आयोगकै कार्यालयमा पुगी उजुरी दर्ता गराएका थिए । गुरुप्रसाद ज्ञानप्रकाश मावि घोराखोरी, ओखलढुंगाका शिक्षक थिए । उजुरीमा आओवादी नेता रामवहादुर थापा ‘बादल’, पेशल खतिवडा, पूर्व सांसद केशव राई, वाईसीएल अध्यक्ष रामचन्द्र शर्मा ‘विज्ञान’ लाई पनि अभियुक्त बनाइएको छ । लुइँटेललाई ०६० भदौ २२ गते विद्यालयबाट घर फर्किने क्रममा घोराखोरीबाट अपहरण गरिएको उजुरीमा उल्लेख छ । त्यसपछि लुइँटेललाई रुखमा झुण्ड्याएर मारिएको थियो ।