प्रदेश नम्बर ५ बाट पहाडी जिल्ला हटाउने गरी सरकारले संविधान संशोधन गर्न थालेको भन्दै एमाले बाँके विरोधमा उत्रिएको छ । सत्तापक्षले गुल्मी, पाल्पा, अर्घाखाँची लगयातका जिल्लालाई हटाएर नवलपरासीदेखि बर्दियासम्म एक प्रदेश बनाउने गरी संविधान संशोधन गर्न थालेको भन्दै एमालेले विरोध गरेको हो । त्यसको विरोधमा एमाले मंगलबार तीन बजे नेपालगन्जमा विरोध प्रदर्शन गर्ने कार्यक्रम तय गरेको जिल्ला अध्यक्ष अशोक कोइरालाले बताए । सरकारले गर्न थालेको संविधान संशोधन कुनै पनि हालतमा नस्वीकार्ने उनले बताए ।