स्थानीय तह सिमांकनमा हिरमिनिया गाविसलाई नेपालगन्ज उपमहानगरपालिकामा गाभ्ने निर्णय गरिएकोमा स्थानीय बासिन्दा फेरी आन्दोलित भएका छन् । केहिदिन अघि स्थानीय निकाय पुन : संरचना प्राविधिक सहयोग समितिले हिरमिनिया गाविसलाई नेपालगन्जमा गाभ्ने प्रस्ताव अघि बढाएको थियो । हिरमिनियाका राजनीतिक दलका नेता, कार्यकर्ता, बुद्धिजीवी, समाजसेवी लगायतको भेलाले हिरमिनिया गाउपालिका निर्माण संघर्स समिति गठन गरी आन्दोलन थालेको हो । स्थानीय सुभाषसिंह ठाकुरको संयोजकत्वमा गठित संघर्ष समितिले पहिले पनि गाबिस कार्यालयको कामकाज ठप्प पारी तालाबन्दी समेत गरेको छ । अहिलेसम्म माग पुरा नभएको र माग प्रती बेवास्था गरेकाले फेरी तालबन्दी गरेको स्थानिय आन्दोलनकारीहरुको भनाइ छ । संघर्ष समितिले हिरमिनियालाई गाउपालिका बनाउन माग गर्दै जिल्ला विकास समिति मार्फत नेपाल सरकारलाई ज्ञापनपत्र बुझाएको थियो । हिरमिनियाबासीले निमित स्थानीय विकास अधिकारी एवम् जिल्ला प्राविधिक कार्यालयका प्रमुख गौरी श्रेष्ठलाई ज्ञापनपत्र बुझाएको हो । केही सिमित दलले आफ्नो स्वार्थपूर्तिका लागि गरेको निर्णय आफुलाई मान्य नहुने ज्ञापनपत्र उल्लेख छ ।