नम्बर प्रदेश टुक्र्याउने गरी संसदमा दर्ता भएको संविधान संशोधन प्रस्तावविरुद्ध शुक्रबारदेखि रुपन्देहीमा तीनदिने आमहड्ताल आव्हान भएको छ । आन्दोलनको केन्द्रविन्दु बनेको बुटवलका चोकचोकमा दलमा आबद्ध प्रदेश नम्बर ५ संयुक्त संघर्ष समितिका कार्यकर्ताहरुले प्रद्धर्शन गरेका छन् । आमहड्तालका कारण यहाँको पूर्वपश्चिम राजमार्ग र सिद्धार्थ राजमार्गमा सवारी ठप्प छन् । अवरोधका कारणभित्री तथा हुलाकीमार्गमा पनि सवारीका साधन चलेका छैनन् । बुटवलको बजार, शैक्षिक संस्था, उद्योग व्यवसाय पनि ठप्प छन् । बन्दका कारण जनजीवन प्रभावीत बनेको छ । सडकमा दूध तथा हरियो तरकारी, फलफूल बोकेका गाडी सञ्चारकर्मीका साधन तथा एम्बुलेन्स भने चलेका छन् ।