स्थानीय तहको सिमांकनको बिरोधमा सर्लाही सदरमुकाम मलंगवामा सिसौटियावासीले मंगलबार बिरोध प्रदर्शन गरेका छन्। जनसंख्याका आधारमा गाउँपालिका नबनाएको भन्दै स्थानीयले त्यसको बिरोध गरेका हुन्। सिसौटियावासीलाइ पश्चिमी धनकौलमा मिलाएको भन्दै स्थानीय आक्रोशित भएका छन्। आफ्नो गाउँ भन्दा आधा जनसंख्या रहेको पश्चिमी धनकौलमा कुनै पनि हालतमा सिसौटियालाइ मिलाउन नमिल्ने उनीहरुको माग छ। सिसौटियामा हाल १३,७६६ जनसंख्या रहेको स्थानीयले बताए।
नजिक पर्ने गोडौता गाउँपालिकामा सिसौटियालाइ नमिलाई पाँच किलोमिटर टाढा रहेको धनकौलमा मिलाउन राज्यको बिबेदपूर्ण नीति रहेको उनको आरोप छ। ८ किलोमिटर, टाढा रहेको मलंगवामा सेवा लिन हामीलाई सजिलो छ। तर धनकौलीमा राखेपछि हाम्रो सेवाकेन्द्र ३० किलोमिटर दक्षिण बलरा हुन्छ स्थानीय अरुण प्रजापतिले भने। काठमाडौँमा बस्ने सर्बसाधारणको पीरमर्का नबुजी संघीय संरचना गरेको उनको गुनासो छ।
सिसौटियामा अरु गाउँलाइ मिलाई गाउँपालिकाका वा नगरपालिका बनाए मात्र हामी आन्दोलन रोक्छौ , प्रजापतिले भने। संघिय संरचना आयोगले गरेको सिमांकन फेरबदल नगरे हामी कडा आन्दोलनमा जाने छौ। संघीय संरचना आयोगले गरेको सिमांकन ऋतिपूर्ण रहेको उनको दाबी छ। करिब ५ हजारको संख्यमा आएका स्थानीयले नगर परिक्रमा गरि जिल्ला प्रशासन कार्यालयमा ज्ञापनपत्र बुझाएका छन्।
नागर परिक्रमा गर्ने क्रममा उनीहरुले संघीय संरचना आयोग मुर्दाबाद , राजनीतिक खोर बिग्य मुर्दाबाद, बिबेद पूर्ण संरचना मान्दैनौ, काठमाडौँको होटेलमा बसी गरेको सिमांकन फेरबदल गर' लगाएत नारा लगाएका थिए। सिमांकनकै बिरोधमा यसघि पनि नवलपुर र इश्वोर पुर् मा समेत आन्दोलन गरिएको थियो।
