जिल्ला विकास समितिमा भएको तोडफोड र दुव्र्यवहारविरुद्ध आइतबार कर्मचारीले पेन डाउन गरेका छन् । उनीहरूले हातमा कालोपट्टी बाँधेर एक घण्टा कामकाज रोके । स्थानीय प्रशासनमा सुरक्षा प्रत्याभूतिको मागसमेत गरेका छन् । शुक्रबार चार गाविस समेटेर लिखु गाउँपालिका बनाउनुपर्ने माग गर्दै आन्दोलनमा उत्रेका स्थानीयले जिविसमा तोडफोड गरेर कर्मचारीमाथि दुव्र्यवहार गरेका थिए । त्यसैको विरोधमा पेनडाउन गरेर विरोध जनाएको नेपाल निजामती कर्मचारी संगठनका बद्री भण्डारीले बताए जिविस, प्राविधिक कार्यालय, गाविसलगायत कार्यालयमा एक घण्टा कामकाज ठप्प पारिएको हो । कर्मचारीले बुधबारसम्म पेनडाउन गर्ने भएका छन् । प्रमुख जिल्ला अधिकारी विष्णुप्रसाद पोख्रलेले कर्मचारीलाई सान्त्वना दिँदै ‘परिस्थिति अकल्पनीय भएको बताए ।