जिल्लाको साना जल-बिद्युत आयोजनाका लागि जापानी सहयोग संस्था ( जाइका ) बाट आएको करोडौं रुपैयाँ अनियमितताको छानबिन माग गर्दै बझांगीहरु आन्दोलित भएका छन् । डेढ सय किलोवाट क्षमताको पावर हाउस निर्माणका लागि जाइकाले ८५ करोड रुपैया खर्च गरेपनि सुधार नआएकाले परियोजनाको रकममा भएको भ्रस्टाचारको छानबिन माग गर्दै स्थानीयले आन्दोलन थालेका छन् । बिरोधका क्रममा ब्यापारी ,स्थानीयबासी,बिद्यार्थी लगायतले सदरमुकाममा प्रदर्शन गर्दै करोडौं खर्च छानबिन गर , बिद्युतको समस्या समाधान गर जस्ता नारा लगाएका थिए । स्थानीयबासीले प्रमुख जिल्ला अधिकारी सचिन्द्र खनाललाई जाइकाले बिद्युत पुर्बाधार मर्मतका लागि छुट्याएको रकममा भएको अनियामितातामथी छानबिनमा माग गर्दै ज्ञापन पत्र बुझाएका छन् । त्यस्तै स्थानीयको एक टोलीले आयोजनामा भएको अनियामितातामथी छानबिनमा माग गर्दै अख्तियारमा समेत उजुरी हालेको छ ।