साविक तीन गाविस बाँधु, रुविन र बिच्छ्याबीचको स्थान भट्टेचौर केन्द्र बनाउने सहमति सहित आयोगमा नामसहित प्रस्ताव गरिएकोमा आयोगको सिफारिस अनुसार राजपत्रमा प्रस्ताव गरिएको स्थानमा नपरेको भन्दै स्थानीयवासीले बिरोध जनाएका छन् । सरकारको निर्णयले बिच्छ्या र रुगिनका जनताका लागि विकेन्द्रीकरणले न्याय नभई अन्याय थपिएको स्थानीयको भनाइ छ ।भौगोलिक सिमा र अवस्थालाई ख्यालै नगरिएको बिच्छ्यावासीको आक्रोश छ । जिल्लामा नौवटा स्थानीय तह मध्ये पाँचवटा स्थानीय तहका केन्द्र प्रस्ताव गरिएअनुसारका छैनन् । राजपत्रमा उल्लेक भैसकेकाले त्यो निर्णय सच्याउन समस्या हुने जिल्ला समन्वय समितिले प्रतिक्रिया दिएको छ ।