Regional work committee, Area number 1, Nepali Congress of Parsa staged a sit-in at Zonal Transport Management Office on for an hour on Thursday against the irregularities of the transport service.
Regional president of Nepali Congress Bijay Saraf said that there is huge corruption system inside the office, which should be ended and the servicer should be dedicated in providing quality service to the customer.
नेपाली कांग्रेस पर्साको क्षेत्र नम्बर १ को क्षेत्रीय कार्यसमितीले बिहिबार अञ्चल यातायात व्यवस्था कार्यालय नारायणीमा धर्ना दिएको छ। यातायात व्यवस्था कार्यालयमा व्यापक अनियमितता भइरहेको भन्दै कांग्रेस क्षेत्रीय समितिले विरोधमा धर्ना दिएको हो ।
कांग्रेसका क्षेत्रीय सभापति विजय सराफको नेतृत्वमा कांग्रेसका नेता कार्यकर्ताहरुले यातायात व्यवस्था कार्यालय परिसरमा एक घण्टा धर्ना दिएका थिए। धर्ना पछि कांग्रेस क्षेत्रीय कार्यसमितिले यातायात व्यवस्था कार्यालय विरगंजका प्रमुख विशवराज नेपाललाई ज्ञापनपत्र समेत बुझाएको छ। ज्ञापनपत्रमा यातायात कार्यालय भ्रष्टाचारको अखडाको रुपमा रहेको र कार्यालयलाई अविलम्व सुधार गरि जनता प्रति समर्पित भई कार्य संचालन गर्न माग समेत गरिएको छ।
आफुहरुको माग प्रति बेवास्ता गरिएमा कडा आन्दोलनमा उत्रिने चेतावनी समेत कांग्रेसले दिएको छ। ठाउँ ठाउँबाट यातायातमा राम्रोसंग काम नहुने गरेको, आर्थिक चलखेल भईरहेको काममा मितव्ययिता नपाउने गरिएको जस्ता गुनासो आएपछि त्यस्ता प्रवृति हटाउन दवाव दिने उद्देश्यले पहिलो चरणमा धर्ना दिनुको साथै ज्ञापनपत्र समेत बुझेको काँग्रेस क्षेत्रीय सभापति सराफले बताए।