धौलागिरी गाउँपालिकाको केन्द्र ताकममा रहनुपर्ने माग गर्दै जिल्ला विकास समितिमा तालाबन्दी गरेर चरणबद्ध आन्दोलनको घोषणा गरेका ताकमवासीले शुक्रबारदेखि अनिश्चितकालिन यातायात बन्दसहित नाकाबन्दी घोषणा गरेका छन। धौलागिरि गाउँपालिकाको आस्थायी केन्द्र सच्चाउन माग गर्दै विगतमा गरिएका दबाबमूलक कार्यक्रम बेवास्ता भएको भन्दै फेदी हुँदै ताकम-मुना सडक अवरुद्ध गरेका हुन्। ताकम वासीमा रहेका सम्पूर्ण सरकारी कार्यालय, शैक्षिक संस्था, सहकारीको कामसमेत ठप्प परिएको ताकमाका युवा गोपाल आचार्यले बताए।