झापाको बिरिंग नदीमा उत्पन्न विवाद साम्य पार्न गएका स्थानीय विकास अधिकारी खेमराज ओझालाई सिस्नेका वासिन्दाले लखेटेका छन् । मापदण्ड विपरित खोला उत्खनन् गर्न ठेकेदारलाई अनुमति दिएको भन्दै आक्रोशित स्थानीयवासीले मंगलबार दिउँसो स्थानीय विकास अधिकारीलाई लखेटेका हुन् । जिल्ला प्रशासन कार्यालय र संस्था सम्सुहांग विल्डर्स चैत २ गते बिरिंग नदीमा उत्पन्न हुने खोलाजन्य सामग्री उत्खनन गर्न गएको थियो। त्यसक्रममा स्थानीयवासीले उत्खननमा प्रयोग भएको एउटा एस्काभेटर नियन्त्रणमा लिएका थिए । घटना पछी खोला विवादले उग्र रुप लिएको थियो । खोलामा उत्खनन सम्बन्धि छलफल गर्न अर्जुनधारा-१ को हचुमासा सामुदायिक बनको कार्यालय परिसरमा बैठक बोलाइएकोमा स्थानीय अधिकारी तोकिएको समय भन्दा १ घण्टा ढिलो आइपुगेपछि आक्रोशित स्थानीयहरुले उनीविरुद्ध नारा बाजी गरेका थिए ।