प्रेस मञ्च नेपालमा आवद्ध पत्रकारहरुले नेपाल पत्रकार महासंघ धनुषा शाखामा धर्ना दिएका छन् । सप्तरीका पत्रकारले काठमाडौँस्थित महासंघको केन्दीय कार्यालयमा जारी राखेको आन्दोलनमा ऐक्यबद्धता जनाउँदै प्रेस मञ्च धनुषाका पत्रकारहरुले पनि धनुषामा एक घण्टा धर्ना दिएका हुन । सप्तरी शाखामा झण्डै दुई वर्षदेखिको विवाद केन्दीय पदाधिकारीहरुको उदासिनता र गैरजिम्मेवारीले गर्दा समाधान हुन नसक्दा शाखाका कार्यवाहक अध्यक्ष श्रवण देवको नेतृत्वमा पत्रकारहरु आन्दोलनमा छन् । उनीहरु चैत्र ३० गते काठमाडौँस्थित महासंघको केन्दीय कार्यालयमा तालाबन्दी गरी धर्नामा बसेका छन् ।