गाउँपालिकाको केन्द परिवर्तन गरेको विरोधमा धनुषाको लक्ष्मीनियाँ गाउँपालिकाका स्थानीयले जनकपुर ढल्केवर सडकखण्डको लक्ष्मीनियाँ बजारमा विरोध प्रदर्शन गरेको छन् । जिल्ला समन्वय समितिको बैठकमा लक्ष्मीनियाँ गाउँपालिकाबाट लक्ष्मीपुर बगेवा गाविसलाई हटाएर जनकपुर उपमहानगरपालिकामा लग्ने र सिनुरजोडा, बनिनियाँ र सपही सम्मिलित गाउँपालिकाको केन्द सपहीमा राख्ने प्रस्ताव गरिएको छ । समन्वय समितिको बैठकले निर्णय नगर्दै लक्ष्मीनियाँका स्थानीयले सडक अवरोध गरी प्रस्तावको विरोध गरेका हुन् । विरोधले सडक अवरुद्ध हुन पुग्दा जनकपुर ढल्केवर सडकखण्डमा चल्ने लामो तथा छोटो दूरीका दर्जनौँ सवारी साधन ठप्प भएको छ । लक्ष्मीनियाँ गाउँपालिकामा सिनुरजोडा, सपही, लक्ष्मीपुर बगेवा र बिनिनियाँ गाविस राखिएको छ । लक्ष्मीनियाँ बजार समदूरीको आधारमा केन्दको लागि उत्तम स्थान रहेपनि काँग्रेसका महेन्द यादव र चन्दमोहन यादवको लडाइमा गाउँपालिकाको केन्द निर्धारण पिल्सिएको हो ।