चालक अनुमति पत्र आवेदनको टोकन वितरण क्रममा प्रहरीले सर्वसाधरणमाथि लाठि चार्ज गरेको छ । जनकपुर यातायात व्यवस्था कार्यालय जनकपुरले सोमकार दुई पाँग्रे सवारी चालक अनुमति पत्र आवेदनको लागि टोकन वितरण गर्ने स्थल जनकपुरको ज्ञानकुप स्थित याज्ञव्लक्य माविको प्रांगणमा राखेको थियो । सोही क्रममा चालक अनुमति पत्रको दरखस्त दिन टोकन लिन आएका सर्वसाधरणमाथि प्रहरीले लाठी चार्ज गरेको हो । लाठि चार्जबाट आधा दर्जनभन्दा बढी सर्वसाधारण सामान्य घाइते भएका छन् । चालक अनुमति पत्रको टोकन लिन १५ हजारभन्दा बढी सर्वसाधारणको भीड लागेको थियो ।