नेपालगन्ज मेडिकल कलेज शिक्षण अस्पतालमा कार्यरत चिकित्सक तथा कर्मचारीहरुले सोमबार ओपिडीसहित इमर्जेन्सी सेवा ठप्प पारेका छन् । आफुहरु असुरक्षित भएको भन्दै चितिक्सक तथा कर्मचारीहरुले सेवा ठप्प पारेका हुन् । अस्पतालका एक कर्मचारीका अनुसार, सोमबार बिहान १२: ४५ बजे अस्पतालको इमर्जेन्सी कक्षमा उपचारका लागि भर्ना भएका नेपालगन्ज-६ निवासी होमबहादुर क्षेत्रीको उपचारकै क्रममा मृत्यु भएपछी मृतकका आफन्तहरुले ड्युटीमा खटिएका चिकित्सकमाथि अभद्र व्यवहार गर्दै ज्यान मार्ने धम्कि दिएका थिए ।