पार्किङमा राखिएका दुईवटा सवारी साधनमा शुक्रबार राति अज्ञात समूहले आगजनी गरेको छ । ऋषिङ गाउँपालिका ६ चालिसेमा पार्किङमा राखिएको ना ३ ख ३५२५ नम्बरको बस र दमौली डुम्रे खण्डको बन्दीपुर १ बेलभञ्ज्याङमा ना ३ ख ९११६ नम्बरको ट्रकमा पनि आगजनी भएको प्रहरी उपरीक्षक उमेशराज जोशीले बताए । बन्द घोषणा गरेको नेत्रविक्रम चन्द नेतृत्वको नेकपाले उक्त आगजनी गरेको हुन सक्ने प्रहरीको अनुमान छ । घटनाबारे थप अनुसन्धान भइरहेको जोशीले जानकारी दिए । यसैबीच दमौलीस्थित २ स्थानमा विस्फोटक बस्तु फेला परेको छ । दमौलीको भोर्लेटार चोक र सरकारी वकिल कार्यालय परिसरमा फेला परेका विस्फोटक पदार्थलाई नेपाली सेनाको डिस्पोजल टोलीले शनिबार बिहान नष्ट गरेको छ ।