राष्ट्रिय जनता पार्टी नेपाल, पर्साले आज मोटरसाइकल र्याली निकाली जिल्ला परिक्रमा गरेको छ । घण्टाघर एकीकृत भएको राजपा कार्यकर्ता, नेताहरु मोटरसाइकल सवार भएर नगर पर्क्रमा गरेका थिए पछि जिल्लाको पाँचवटै निर्वाचन क्षेत्रामा पुगेको राजपाका नेता निजामुदिन समानीले बताए । राजपाका जिल्ला संयोजक पुरुषोत्तम झाको नेतृत्वमा निस्केको र्यालीमा पार्टीका उपाध्यक्ष लक्ष्मणलाल कर्ण, केन्द्रिय सदस्यहरु राजेशमान सिंह, शिव पटेल, स्थानीय नेताहरु प्रेमबाबु पटेल, उषा श्रीवास्तव, ओमप्रकाश सराफ, सन्ध्या देवी, अनिता रौनियार, श्रीराम गिरि, मालती कुशवाहालगायतको सहभागिता थियो । जेठ ४ गतेसम्म संविधान संसोधनको लागि सरकारले समय माग गरेको हुँदा साङ्ग्केतिकरुपमा दबाबस्वरूप मोटरसाइकल र्याली निकालिएको राजपाका नेता समानीले बताए। उनले जेठ ४ गतेसम्म संविधान संसोधन भएर मधेशको माग सम्बोधन भएमा आन्दोलन स्थगित हुने अन्यथा जेठ ५ गतेदेखि सशक्त आन्दोलन गर्ने बताएका छन ।