सम्पूर्ण अस्थाई शिक्षकहरुलाई समान प्रक्रियाद्वारा स्थाई गर्नुपर्ने माग गर्दै देशभरका अस्थाई शिक्षकहरु आन्दोलनमा उत्रिएका छन्। आन्दोलन अन्तर्गत मंगलबार जिल्ला संघर्ष समिति कास्कीले जिल्ला शिक्षा कार्यालय घेराउ गरेको छ। त्यस्तै बुधवार देशभर सम्पूर्ण सामुदायिक विद्यालयहरु बन्द गर्ने, बिहीबार शिक्षा विभाग घेराउ तथा शुक्रवार शिक्षक सेवा आयोग घेराउ तथा तालाबन्दीको कार्यक्रम रहेको जनाएको छ। मंगलबार जिल्ला संघर्ष समिति कास्कीले जिल्ला शिक्षा कार्यालय घेराउ कार्यक्रममा बीच संघर्ष समितिलाई पुर्नगठन गरेको छ।