स्तरीय अस्पताल रुपमा रहेको जानकी मेडिकल कलेजको सिटी अस्पतालमा फेरी शुक्रबार तालाबन्दी गरिएको छ । असार १० गतेसम्म २ महिनाको तलब उपलब्ध गराउने प्रतिबद्धतामा कलेज प्रशासन पछि हटेपछि कर्मचारीहरुले सिटी अस्पताल जनकपुरमा पुनः तालाबन्दी गरेको जनाएका छन् । कलेजमा करिब साढे ५ सय कर्मचारी कार्यरत्त छन् । कलेज परिसर रमदैयामा शिक्षण अस्पताल र जनकपुरमा सिटी अस्पताल सञ्चालनमा छ । पिडीत कर्मचारीहरुले सञ्चालहरुले पटकपटक धोका दिँदै आएकाले बाँध्य भएर ताल्चा लगाउनु परेको बताए । तालाबन्दी गरिएपछि स्वास्थ्य सेवा ठप्प भएको छ भने उपचारका लागि आएका रोगीहरुले थप कष्ट भोग्नुपरेको छ ।