जकाउल्लाहको अगुवाइमा थालिएको रिले अनसनप्रति इन्सेक सप्तरी र नागरिक समाज सप्तरीलगायत विभिन्न सङ्घसंस्थाले समर्थन गर्दै ऐक्यबद्धता जनाएका छन् । सात दिनसम्म रिले अनशनबाट माग पुरा नभए दोस्रो चरणमा आन्दोलनका थप सशक्त कार्यक्रमहरू अघि बढाइने र आमरण अनसन गरिने १६ वर्षीय चितरञ्जन दत्तले बताए । राजनीतिक दल र भातृ सङ्गठनहरूको बन्द हडतालले विद्यालय शान्ति क्षेत्रको प्रतिबद्धतालाई धज्जी उडाएको भन्दै १७ वर्षीय अरमान कौशरले अनसन गर्न बाध्य भएको बताए ।