आंशिक प्राध्यापकहरुले देशभरका त्रिभुवन विश्व विद्यालयका ६० आंगिक क्याम्पसमा तालाबन्दी गरिदिएका छन् । आफूहरुको माग पूरा नभएको भन्दै दबाबामुलक आन्दोदनमा उत्रिएको नेपाल अंशिक प्राध्यापक संघले आइतबार त्रिविका देशभरि रहेका ६० वटा आंगिक क्याम्पसहरुका प्रमुखको कार्यकक्ष र लेखा शाखामा तालाबन्दी गरेका हुन् । सोही क्रममा जनकपुरको राराब क्याम्पसमा उनीहरुले तालाबन्दी गरेका हुन् । आंशीक प्राध्यापक संघ धनुषाका अध्यक्ष ईन्ददेव यादवका अनुसार सरकारले आफुहरुको मागलाई सम्बोधन नगरेको भन्दै तालाबन्दी र विरोध प्रदर्शन गरेको जानकारी दिए ।