राजपा नेपाल विरगंज महानगर कमिटीले धर्ना दिएको छ । बिहान १० बजेदेखि ५ बजेसम्म घण्टाघरमा, भ्रष्टाचारविरुद्ध धर्ना दिएको राजपा नेपाल विरगंज महानगरका अध्यक्ष ओमप्रसाद सराफले बताए । भ्रष्टाचारविरुद्ध धर्नामा ९ बुंदे माग राखिएको थियो । मागहरुमा संसदीय विकास कोषको रकम पारदर्शी र जनतामुखी हुनुपर्ने, जिल्ला समन्वय समिति र विरगंज महानगरपालिकाबाट पेश्की लिएर काम नगर्नेहरुको सूची प्रकाशित गरी कारवाई हुनुपर्ने लगायत रहेको छ । धर्ना बसेका राजपा नेपाल विरगंज महानगरका पदाधिकारी सदस्यलाई राजपा नेपालका उपाध्यक्ष सुरेन्द्र कुर्मी अबिर, माला लगायेरा धर्ना शुभारम्भ गरेका थिए ।