छुट्टै गाउँपालिकाको माग गर्दै विगत तीन महिनादेखि निरन्तर आन्दोलनमा रहेका रघुनाथपुरवासीहरु मंगलबार काठमाडौँको माईतीघर मण्डलामा प्रदर्शन गरेका छन् । रघुनाथपुरको ऐतिहासिक महत्वलाई धरसयी बनाउने हिसाबले केही सांसदको ईशारामा सरकारले आन्दोलनलाई नजर अन्दाज गरेको विरोधमा उनीहरुले काठमाडौँको माईतीघर मण्डलामा प्रदर्शन गर्दै सांसद र नेताहरु विरुद्ध नाराबाजी समेत गरेका थिए । युवाहरुले रघुनाथपुरमा कुनै पनि पार्टीलाई चुनावी बैठक गर्न समेत रोक लगाएका र नेताहरु चुनावमा भोट माग्न आए भौतिक आक्रमण गर्ने चेतावनी पनि दिएका थिए ।