भरतपुर महानगरपालिकाले असोज १ गतेदेखि जोर बिजोर प्रणाली लागू गर्ने निर्णय गरेपछि विध्युतीय रिक्सा र अटो रिक्सा व्यवसायी आन्दोलनमा होमिएका छन् । नगरलाई व्यवस्थित गर्ने बहानामा साना लगानीकर्ताको रोजीरोटी खोस्न लागेको भन्दै उनीहरु आन्दोलनमा होमिएका हुन् । बिहिबार भरतपुरको केन्द्रीय बस टर्मिनल अगाडिको खाली चौरमा जम्मा भएका व्यवसायीले महानगरको विरोधमा जुलुस निकालेका थिए।उनीहरुले नगरलाई व्यवस्थित बनाउने बहानामा विद्द्युतिय रिक्सा र अटो रिक्सालाई हटाउनभन्दा पहिले अन्य रोजगारको विकल्प दिनुपर्ने माग गरेका छन्। आफुहरुको माग सुनुवाइ नभए महानगरपालिकाको विरुध जस्तोसुकै कदम पनि चाल्न सक्ने उनको चेतावनी दिए।