नयाँ शक्ति पार्टी नेपालले प्रत्यक्ष निर्वाचित राष्ट्रपति र प्रधानमन्त्रीको माग गर्दै शुक्रबार जिल्ला प्रशासन परिसरमा दुई घण्टा धर्ना दिएको छ। पार्टीको राष्ट्रव्यापी कार्यक्रम अन्तर्गत चितवनमा पनि बिहान ११ बजेदेखि १ बजेसम्म धर्ना बसेको नयाँ शक्ति पार्टी नेपाल चितवनले जानेको छ।साथै सबै संसद समानुपातिक हुनुपर्ने पनि पार्टीको माग रहेको चितवन जिल्लाका सह-संयोजक पदम बहादुर गुरुङले बताए।उनका अनुसार रोजगारको सिलसिलामा विदेशमा रहेका नेपालीले पनि आफू बसेकै ठाउँबाट मतदान गर्न पाउनुपर्ने पार्टीको मागसमेत रहेको छ । धर्ना कार्यक्रममा ५० जना भन्दा बढी पार्टी प्रतिनिधि तथा कार्यकर्ताहरु सहभागी थिए ।